Google ADS

Britania e Madhe ndalon tubimin e më shumë se gjashtë personave, por ka disa përjashtime nga funeralet deri te shkollat

22:21 | 9 Shtator 2020
L G

Tubimet në më shumë se gjashtë personave do të ndalohen në Angli nga e hëna, 14 shtator.

Sipas BBC-së, vendimi do të zbatohet për tubimet si në ambiente të jashtme ashtu edhe brenda, por do të ketë disa përjashtime: nuk do të zbatohet në shkolla, vende pune dhe dasma që do të organizohen sipas të gjitha rregullave, në funerale dhe trajnime të organizuara.

Dënimet për mosrespektimin e vendimit do të shqiptohen nga 110 euro deri në maksimum 3500 euro. Më shumë detaje rreth rregullit të ri do të njoftohen nga qeveria gjatë ditës së nesërme.

“Ne duhet të reagojmë tani për të ndaluar përhapjen e virusit. Ne jemi duke i thjeshtuar rregullat e kontaktit shoqëror për ta bërë më të lehtë që të kuptohet dhe për ta bërë më të lehtë për policinë t’i monitorojë ato”, tha kohët e fundit kryeministri britanik, Boris Johnson.

Ndryshe, Britania e Madhe ka raportuar 355 mijë raste me coronavirus gjersa kanë ndërruar jetë 41594 persona. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm